ديك الحارة للشاعر أحمد العريمي

ديك الحارة    

الشاعر أحمد العريمي
ــــــــــــــــــ


لا وظيفة
ولا مهنة شريفة
عاطل باطل على بطال
سايح في بلادك يا شعبي
عايش فيها على أيت حال.

يا شعبي يالطيب جداً
لا تبني بلادك تابوت
عايش خايف... تضحك همك
((تضحك تضحك لين تموت))

تسعل فقر
وتعطس جوع
عمرك فاتك
وبلادك أصل الموضوع
شعب خليجي
وتملك نفط
ممنوع من بلادك تشرب
وللسيد مسموح الشفط
ومثقنا عايش طايش
يلهث من بيته للبار
يدخل صاحي؟؟
طبع (ن) صاحي
لكن يطلع منه حمار
يمسك ورقه ويكتب..أأأرفض
ويعلن عصيان العصيان
يصحى الصبح
يرمي الورقة
ويكتب فجريدة وطنية
بأسم الخمر الفايش عندي
فليحيى عرش السلطان.

يا مثقفنا يا أستاذ
يا ديك الحارة المغرور
لازم تفهم لولا الظلمة
ما جفف هالنخل النور
يعني أبسطلك يا مثقف
رمز الظلمة في السبورة
لو شخبط فيه الطبشور.

يا مثقف يا أبو شنة ورنة
لا تكاكي وتستهبل وأفهم
وخلي عنك
يمكن/ يعني/ أو لو إنه.

ديموقراطي مثقف بلدي
خربط/ شخبط/ كسّر شعر
وقال المعنى فبطن الشاعر
وسما المنهج شعر النثر
فأر / وثقب الجبل الأخضر
صرف ونحو وذيب أستحمر

يا دجال القصر العالي
يا منهج لندن يا جبان
يا مطاطي على بطنك طاطي
راح نملا الظلمة ألوان
ونكتب نكتب نكتب نكتب
ونردد
حرة يا عمان.